Manager of Interior Design & Technical Support Department

Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit. Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023. Pozicioni: Menaxher i Departamentit të Interior Design & Suportit Teknik Vendndodhja: Tiranë Përmbledhja e Pozicionit: Drejtuesi i Departamentit të Interior Design & Suportit Teknik është përgjegjës për drejtimin strategjik, organizimin dhe zhvillimin e njësive në varësi, duke siguruar funksionim efikas, të standardizuar dhe të shkallëzueshëm të proceseve dhe shërbimeve. Ky rol garanton zhvillimin e produkteve dhe shërbimeve me standarde të larta profesionale, në përputhje me strategjinë dhe objektivat e kompanisë, duke mbështetur performancën operacionale, përvojën e klientit dhe pozicionimin e projekteve në tregun e Real Estate. Detyrat dhe Përgjegjësitë Kryesore: Drejtim Strategjik & Organizim Përcakton strukturën organizative, mënyrën e funksionimit dhe zhvillimin e njësive në varësi; Harton dhe menaxhon buxhetet e departamenteve; Zhvillon standarde, politika dhe procedura pune për funksionimin e njësive; Siguron koordinimin dhe bashkëpunimin efektiv me strukturat e tjera të kompanisë dhe korporatës; Ndërton procese të qëndrueshme dhe të shkallëzueshme për rritjen e eficiencës operacionale; Monitoron performancën e njësive dhe ndërmerr masa për përmirësim të vazhdueshëm; Njësia e Interior Design Drejton strategjikisht zhvillimin e biznesit të Interior Design; Përcakton konceptet, standardet estetike dhe buxhetet për paketat e interiorit dhe ambientet e përbashkëta; Siguron zbatimin korrekt të stilit të aprovuar dhe kontrollin e cilësisë së projektimit; Udhëheq ekipin në realizimin e: - projekteve të interiorit, - dokumentacionit teknik, - paketave të prokurimit, - koordinimit me palët e përfshira. Mbikëqyr procesin e implementimit të projekteve dhe bashkëpunimin me partnerë, furnitorë dhe kontraktorë; Merr pjesë në negociata, prezantime dhe takime strategjike me klientë dhe partnerë; Menaxhon marrëdhëniet me klientët strategjikë dhe situatat komplekse; Siguron një eksperiencë profesionale dhe të strukturuar për klientin; Ofron paketa të plota mobilimi dhe punimesh interiori “turn-key”; Zhvillon alternativa paketash interiori për tipologji të ndryshme njësish, me variante dhe nivele të ndryshme buxheti; Ofron shërbime interiori për njësi pa klient me qëllim rritjen e potencialit të shitjes; Rishikon projektet në fazë projekt-ide dhe projekt-zbatimi për të shmangur problematikat e ardhshme të interiorit; Ofron shërbime arkitektonike për ambientet e përbashkëta dhe përmirësimin e imazhit të projekteve; Ofron konsulencë projektimi dhe arredimi për klientë apo objekte me kërkesa specifike; Njësia e Suportit Teknik Organizon, drejton dhe zhvillon funksionin e suportit teknik në kompani; Siguron që kërkesat teknike të projekteve adresohen me zgjidhje të sakta, të zbatueshme dhe të standardizuara; Garanton koordinimin dhe integrimin efektiv të kërkesave teknike ndërmjet departamenteve; Bashkëpunon ngushtë me ekipet operative dhe strukturat e BD për adresimin e problematikave teknike; Monitoron performancën teknike të projekteve dhe identifikon nevoja për përmirësim; Ndërton sisteme kontrolli cilësie dhe standardizimi teknik; Siguron reduktimin e gabimeve dhe rritjen e eficiencës operacionale; Delegon ekzekutimin operacional te ekipet përkatëse, duke ruajtur fokusin në vendimmarrjen strategjike, standardizimin, kontrollin e cilësisë dhe optimizimin e porceseve; Requirements Edukimi: Të zotërojë diplomë universiteti në Arkitekturë Kualifikime të tjera: Të paktën 10 vite përvojë të gjerë në projektim; Jo më pak se 5 vite në pozicion drejtues; Përvojë dhe aftësi në zhvillimin e biznesit dhe në dizajnin e brendshëm & projektim; Aftësi të forta drejtuese, menaxheriale dhe ndërpersonale për të udhëhequr dhe frymëzuar në mënyrë efektive një ekip; Aftësi të shkëlqyera komunikimi verbale dhe të shkruara për të bashkëpunuar me palët e interesuara dhe për të paraqitur konceptet e dizajnit tek klientët; Përvojë thelbësore në koordinimin, delegimin, mentorimin dhe dhënien e komenteve për ekipin; Aftësia për të kuptuar dhe zbatuar koncepte, praktika dhe procedura komplekse brenda fushës së dizajnit të brendshëm dhe detajimit të projekteve; Njohuri te programeve AutoCAD, SketchUp, 3D Max, Photoshop, Revit etj. Afati i aplikimit: 07/07/2026 Pas shqyrtimit do të kontaktohen vetëm kandidatët e përzgjedhur. *Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.